Ini toh i pyntip wa uwi u manpa wa tip kam u Lakhon Phawa na ka chnong Cham Cham, East Jaiñtia Hills da ngam um ha ka Wah Umthe hajan ka chnong Sakhain, Elaka Sutnga heipor kamwa 5:00 waje i janmiet ka 30 tarik u Naisan.
U Lakhon toh uwa jrong kamwa 5.6 ft wei em u 37 snem i rta wei da ngam u ha kani ka wah hadien wa tlær u heipor wa liwan yung u na loom.
Chooh chooh da pyntip wa u Lakhon toh u khon ka Blit Phawa wei em u ka kurim wa le ngut ki khon ha Mukhaialong, EJH.
Neiliang ki bor ka chnong wa ki bor ka aiñ da yaleh ki wow thooh ya oo nadooh na Wah Umthe hadooh ha Wah Lukha (Sonapur) tangwa ym chem ki oo hadooh ynne i janmiet (ka Wah Umthe toh kawa tooid cha ka Wah Lukha).
Kamtæ ka Dorbar Chnong Cham Cham wa kiwa ha-yung ha-sem da kyrpaad ki ya ki paidbah wa jooh lai cha kini ki thaw wa lada chem ki ya i metyap yong uni u manpa wow sñiawbha Phone ha kini ki Number-7005460209/9612107041.
Discussion about this post