Ka Niaw Wasa United Football Club ynne i step da mih ko na Jowai wow lai cha nongbah New Delhi wow mihkhmat ya ka jylla Meghalaya ha ka lympung ‘Hero Futsal Club Championship’ kawa pynman da ka All India Football Federation nadooh ka 5 hadooh 13 tarik u Khonchonglad 2021.
Waroh kiwa da lai chirrup wa ka Niaw Wasa United FC da em ki 16 ngut kiwa yalehke (Players) wa san ngut kiwa kitkaam (Official).
Hachwa wow lai, neiliang u President kani ka Club, u Monlang Nongtdu da chim u ya ka laad wow kyrpaad wei da paan yarap u na ki paidbah ka Ri-loom Jaiñtia wow synniang kyllooid mynsien ya ka Club neibhah heipor wa mih ki da mih ki thylli.
Da ong u leh wa em i yarap wa yoh ki na u MLA ka Jowai wa da pynbiang u ya i thaw sah ha nongbah Delhi, na ki DC wa SP ka East wa West Jaiñtia Hills, kamjooh leh ya kiwa kyrchaan e mynsien namo ki Fans yong ka Club.
Kiwa kwah wow yarap ya ka Club ye ki wow phone ha u President yong ka, u Monlang Nongtdu ha u Number: 8132924995.
