Jowai: Ka Dorbar Chnong Pdengshakap ynne ka sngi da e ko ya ka dorkhat ha u Montri Rangbah ka jylla u Dr. Mukul Sangma hei yatoh wow yoh yarap poisa yow pynbha pynmiat ya ka Secondary School wa em hapoh ka chnong.
Ha kani ka dorkhat da ong wa ha u snem 2007 da sdang ya ka Secondary School hei thmu wow e ya i stat i tip cha ki khynnah wa wan na ki manyung wa dooh wa duk wa em ha ki chnong kani ka thaiñ.
Nadooh wa sdang ya kani ka skur da pyllai ya ka da ka School Managing Committee khlem yoh yarap poisa naka sorkar (Grant-in-aid) wei da pynneh ya kani ka skur du naka bai skur ki khynnah wa ka Football Tournament wa pynman da ka Dorbar Chnong man u snem.
Nadooh wa sdang ya kani ki ka skur ki khynnah wa lait ya ka exam SSLC da em bait ki 80% wei da e bor leh ka Directorate of School Education and Literacy, Government of Meghalaya wow wai ya ka Class IX ha u snem 2012 katwa ya ka Class X ha u snem 2016.
Kamtæ da kyrpaad na u Dr. Mukul wow yarap poisa ka sorkar ya kani ka skur neidaw wa da chitom poisa ware wow pyllai ya kani ka skur.
Discussion about this post