Ha ka 16 tarik uni u bnai da yoh wow sai ya iwi i metyap na i krem mooyong na Krem U-le, Umpleng East Jaiñtia Hills iwa yatoh wa i jia ha ka 30 Naisan heiwa da sahkut ki 5 ngut hapoh ini i krem.
Ynne ka sngi, u SP ka District u Jagpal Singh Dhanoa da pyntip u wa ya ini i metyap da leh ya ka Post-mortem wa kiwi kiwi kiwa emkaam wei da booh ya ini i metyap ha Khliehriat CHC.
Kamtæ neiliang u SP da kyntu u ya ki paidbah wow wan chaphrang wow pyntipmit (Identify) ya ini i metyap.
Ini i metyap toh i yong u chynrang uwa 25-35 snem, uwa jrong kamwa 5.6 feet, uwa doom rong sniehdoh, u sñiooh rong yong wei uwa sap ya ka T-Shirt rong yirngam.
Kiwa tip iwon iwon hajrong ini i metyap ye ki wow phone ha u Number –7085928767, 9366445568 wa 7005933923.
