Ha u Naitung (April) uni u snem, ka sorkar India da booh ko yaka Website wa kyrpang du wow chim wei wow pait ya ki ujor lane i eh i khoo wa yatoh wa ka khlam COVID-19 heiwa da yoh ka sorkar palat 167,000 tylli ki ujor heiwa da dep wow jubab ya 150,000 tylli. Ya kini ki ujor da chim yukheiñ wei da pynlang da ka Website ka Department of Administrative Reforms and Public Grievances.
Ki ujor da yabhah ya ki kam kiwa haap hei pynbaam tyngka, i pynemkaam bakla yaka poisa, i leh embor ki bru sorkar hawa yatoh wa u COVID-19.
Katkam ka khubor wa mih ha u Hindustantimes kani ka phang da yaklam yaka haka 25 tarik u bnai wa dep haka yalang ka PRGATI (Pro-Active Governance and Timely Implementation) kawa emlang ki Ministry ka sorka yow wanrah yei kylla kawa da sdang ha u snem 2015.
Ha ka yalang, u Prime Minister da kwah u wow tip katwon tylli ki ujor da yoh heiyatoh wa ki kaam baam-tooh wei kammon da leh ya ini.
Da e yei jubab cha u Prime Minister Narendra Modi wa dang pynlang ya ini i yukheiñ wei daw e ya ini cha oo haka sngi nyngkong ka tayaw.
