U jait khñiang wa tip kam u Nairobi Fly uwa mantre na East Africa da chem ya oo ha Sikkim wa ha North Bengal heiwa ha Sikkim da em palat 100 ngut kiwa lai puræ ha Sikkim Manipal Institute of Technology wa chah ktah nei bih uni u khñiang.
Uni u khñiang ym toh uwa dait tangwa uwa da pynmih yei jait Acid iwa ktah bha ya u bru lada bi ha i sniehdoh u bru lane hawa tba ya oo wei uni u khñiang leh toh uwa khian bha.
Em kiwa chah ktah kiwa da hap wow pooid lada toh ki deiwa rap joor ha uni u khñiang.
Lada em wa yoo ya uni u khñiang ym toh wow tynyap oo neibhah daw pynmih u ya i bih wei toh u slu oo wei wow siat dei sabon waka um yei bynta wa yoh u u bi.
Ini i bih na uni u khñiang toh iwa ye u thang yei sniehdoh iwa mut lada dem u hei sniehdoh wei pynyap ya oo deiwa thap, daw pynmih u yei bih wa ye u thang yei sniehdoh kamtæ toh u kynther lane slu donhi ya uni u khñiang.
Da em leh ki khubor wa da ong wa uni u khñiang dapoi u chadooh cha Siliguri.
Uni u khñiang toh uwa baam ya kiwi ki jait khñiang wei toh leh uwa baam ya mar wa rep ki bru.
