Palat 100 ngut ye ki bru u dooh dukan haka Yaw thymme wa chna ka JHADC

Jowai : I thrang wei angnood ki paidbah waki khon ka ri-loom Jaiñtia wow yoh u yoo ya ka Multi Storied Shopping Complex ha Iawmusiang wada chna daka JHADC yoosar kattu daw mih won sa i ya awri awra hei yatoh wow yoh bhah ya ki dukan ha kani kawa dang chna thymme.

Ya kani ka yaw da booh moonongrim ha ka 10 Duyatra (January) 2009 da u tynde u PA Sangma wei da yoh poisa wow chna ya ka da ka DoNER.

Ki dukan wada sliah yow yoh u chna ya kani ka yung thymme toh 626 kiwa kynthup ya 60 tylli ki dukan khyndaw bilat (RCC Stall) wa 566 tylli ki District Council Stall.

Katwa ha kani ka yung tymme ka mala kawa natre dooh (na surok lai Wahnangbah) kawa man kyrpang du wow pynyieñ kari, najrong kani u man ko kam ka thaw psiah kawa em neiliang ka sarok Iawmusiang kawa man leh kam ka mala wa nyngkong, da kynton hajrong kani ka mala wa nyngkong sa soo mala ki wow man ki dukan.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Haka mala wa nyngkong neiliang i thaw psiah haka sngi Iaw Musiang chwa u psiah daw em i thaw ya kiwa wan behyaw u chondai ki.

Wei manda psiah ha kani ka yung daw em ki dukan dai doh, dai jhoor, wa kiwi kiwi, kiwa man leh ki Open Stall heiwa em kamwa 145 tylli ki dukan. Haka mala wa bood leh daw em ko yaki dukan wa dai yaki mar kamwa dai ha i thaw psiah kiwa man leh ki dukan “Open Stall” heiwa da em biang kamwa 149 tylli don hi.

Hajrong kani ka mala wa chajrong daw em ki dukan wa dai yaki mar wa boon jait kamki that ki nep, ki tiar ki tar wa kiwi kiwi. Heiwa da kheiñ ha kani ki mala u em ki dukan kamwa 69 tylli.

Haneiñ kani ka mala daw em ki dukan kamwa 95 tyli ki dukan katwa haka mala wa hajrong dooh em kamwa 46 tylli ki dukan.

Katkam i kam ka District Council daw em 569 tylli ki dukan, weiwa katkaonm ka rukom draw yaka rukom chna lada kheiñ bha em du kamwa san spah tylli ki dukan heiwa ym duna de ya kamwa san phaw tylli ki dukan wa wiar.

Ini pynyoo che i yei rukom habra i rukom kreh ka Jaiñtia Hills Autonomous District Council heiwa naka 626 tylli ki dukan wada sliah u chna du 569 tylli katwa haka plan (drawing) won em du kat u poi 500 tylli donhi.

Hawa kamni kiyi ma-ai wow yoh myntoi wei kiyi wow dooh bhah ha kani ka Yung thymme ka Iaw Musiang?

(Kani man ko katkam ki jubab yong ar tylli RTI na ka JHADC  haka Naitung 2016 wa ha u Duyatra 2012).