U slap wa joor deilang wa u phria uwa da hiar ynnin ka sngi da ktah u yaki kattu katni ki thaw ka West Khasi Hills, Eastern West Khasi Hills wa East Khasi Hills District heiwa da em da ki spah tylli ki yung kiwa da chah ktah.
Ha Eastern West Khasi Hills da em 6 tylli ki chnong wa chah ktah ha u slap wa u phria heiwa ki yung wa chah ktah da em ki 62 tylli kiwa em ha ki chnong Nongkhlaw, Mawiongkhri, Nongthyllep, Mawnai, Umshyiap, Phudbah wa Demdngiem wei kiwa chong chnong kiwa da chah ktah da em ki 172 ngut wei ki thaw rep wa da chah pynsih da em kamwa 50 Hectare i heh.
Ha chnong Mawlynrei da em 21 tylli ki yung wa da chah ktah kiwa haap hapoh ka Mawryngkneng Block ka East Khasi Hills District neitæ ha West Khasi Hills da em palat 52 tylli ki yung wa palat 200 ngut kiwa da chah ktah na u slap wa u phria. U slap wa u phria da hiar u leh ha chnong Malang Khasi wa Malangkona ynnin heiwa da em 5 ngut kiwa chah ktah kiwa em hapoh East Khasi Hills.
Kiwi de ki chnong ha West Khasi Hills kiwa da chah ktah toh ka Mawlieh, Byrki, Mawthor, Mawlangsu wa Mawdoh kiwa da yoh ya u slap wa joor wa u phria.
Da em leh 52 tylli ki yung wa da chah ktah hapoh ka Nongstoiñ Block deiwa em palat 135 ngut kiwa chah ktah ha Mawlieh, 45 ngut ha Byrki wa mar 15 ngut ha Mawthor, Mawlangsu wa Mawdoh. Da leh kamwa 40 ngut kiwa chah ktah ha u slap u phria ha Mawlangsu wa Mawdoh.
Kiwa chah ktah da kyrriah ki cha ki thaw rieh wa da chna chipor da ki DC.
Discussion about this post