Shillong: U Symbood Montri Rangbah ka jylla, u Prestone Tynsong da pyntip u wa hadooh i chiteiñ sngi ynne ka 27 tarik, da em hadooh 10,100 ngut kiwa chong chnong kiwa sahkut cha baar jylla kiwa da liwan.
Da pyntip u leh wa ki rel wa kyrpang wa da pynkhreh da ka sorkar daw wanpoi ki ha kini ki sngi, wa kynthup ya kiwa dang em ha luti, kawi ka rel kawa mih na Andhra Pradesh kawa kit ya 317 ngut ki nong Meghalaya wa na Jaipur, Rajasthan kiwa em kamwa 150 ngut kiwa liwan. Chooh chooh da pyntip u wa ynne i miet da em ar tylli ki rel ki wow mih wow kit ya kiwa chong chnong ka jylla na Delhi wa Kerela kiwa kit kamwa mar 500 ngut kiwa chong chnong ka Meghalaya.
Ha i jooh i por u Montri da ban u yei emkaam kiwa chong chnong kiwa hap wow pyndep yaka Quarantine, wa ki 14 sngi wa nyngkong man ki kiwa emkaam bha wei toh u man kiwa pynrkhiñ, katwa ki 14 sngi kiwa bood ym toh kiwa da pynrkhiñ ware, tangwa ym toh won u chim stiñ næ wow yachem yaki bru cha lait naki thaw wa em ki. Da ban joor u ya kitu waroh kiwa leh ya ka Quarantine wow em ki i kitkhlieh yow lait na iwon iwon i maa.
Discussion about this post