Ha ka Final Result ka Civil Services Examination (CSE), 2022 wa da pynbna ynnin wa da pynman da ka UPSC, da em 11,35,697 ngut kiwa da thap pyrtuid wow yaleh ya kani ka Exam kawa da sdang chwa da ka Preliminary Exam wa da pynman ha ka 05-06-22 wei na kini da wan 5,73,735 ngut wow yaleh ya kani ka Exam.
Na kini won kiwa da chah jied da em ki 13,090 ngut yow yaleh ya ka Written (Main) Examination kawa da pynman ha u Naikhynde, 2022 heiwa da jied won ya 2,529 ngut wow yaleh ya ka Personality Test kani ka Exam.
Hawa khaddooh da jied ya 933 ngut (613 ngut ki chynrang wa 320 ngut ki kynthai) wow thung kreh ha ka Indian Administrative Service (IAS), Indian Foreign Service (IFS), Indian Police Service (IPS) wa ha ki Central Services, Group A wa Group B.
Ha kani ka kynti kiwa yoh nyngkong hadooh wa soo toh ki kynthai.
Ka Ishita Kishore (Roll No. 5809986) da yoh nyngkong ko ha kani ka Civil Services Examination, 2022. Da yaleh ko ya kani ka Exam deiwa jied ya ka Political Science wa International Relations kam ka Optional Subject. Ka Ishita toh ka Graduate ha Economics (Hons.) na Shri Ram College of Commerce, University of Delhi.
Ka Garima Lohia (Roll No. 1506175), kawa yoh wa ar toh ka Graduate ha ka Commerce na Kirorimal College, University of Delhi, wei da yaleh ko da ka Commerce wa Accountancy kam ka Optional Subject yong ka.
Ka Uma Harathi N (Roll No.1019872), kawa yoh wa le toh ka Graduate (B Tech.) ha ka Civil Engineering na IIT, Hyderabad wei da yaleh ko da ka Anthropology kam ka Optional Subject.
Ka Smriti Mishra (Roll No. 0858695), kawa yoh wa soo toh ka Graduate (BSc.) na Miranda House College, University of Delhi wei da yaleh ko da ka Zoology kam ka Optional Subject yong ka.
Na ki 25 ngut wa poi chakhmat dooh, 14 ngut toh ki kynthai wa 11 ngut ki chynrang.
Ka puræ puthi wa da pyndep kini ki 25 ngut toh nadooh ka Engineering, Humanities, Science, Commerce wa Medical Science na ki thaw puræ wa paaw naam ka ri kam ka IIT, NIT, DTU, Gauhati Medical College, University of Health Science, University of Delhi, Gujarat National Law University, Jadavpur University, Jiwaji University wa kiwi kiwi de.
Kini ki 25 ngut da jied ki leh ya ka Anthropology, Commerce & Accountancy, Economics, Electrical Engineering, Law, History, Mathematics, Political Science & International Relations, Philosophy, Sociology wa Zoology kam ka Optional Subject ha ka Written (Main) Examination.
Na kini kiwa chah jied da em leh 41 ngut kiwa em i duna hei doh i pran namo ki Persons with Benchmark Disability (14 ngut kiwa em i duna hei bor ki kti ki kjat, ki wym ye u yieñ u lai, 4 ngut kiwa duna hei bor khmat, 12 ngut kiwa duna hei bor chkoor wa 8 ngut kiwa em boon ki jait duna).
Na ki jylla ka North East da em 20 ngut kiwa da chah jied heiwa u Mayur Hazarika uwa na Assam uwa man kam u Doctor da yoh u hei wa san uwa kreh katni kam u Doctor ha ka Hospital sorkar wa em ha Jakhalabandha ha Nagaon.
Na Assam kiwi de kiwa da chah jied toh u Idul Ahmed (298 Rank), ka Anjali Bhardwaj (271 Rank), ka Nivedita Das (848 Rank), ka Diksha Langthasa (664 Rank) wa u Manas Jyoti Das (881 Rank) iwa mut wa da em 6 ngut kiwa chah jied na Assam.
Na Nagaland da em soo ngut kiwa yoh wa kynthup ya u Yimkum I Ozukam (203 Rank), ka Vevotolu Keto (387 Rank), ka Imkongnukla Ao (723 Rank) waka W Aotula Ozukum (874 Rank).
Na Manipur leh da em 4 ngut kiwa chah jied wa kyntup ya u Arvind Hanglem (83 Rank), u Soilemthang Vaiphai (619 Rank), ka Chiinzoukim Tungnung (704 Rank) wa u Lourembam Nelson Mangangcha (915 Rank).
Na Arunachal Pradesh kiwa da chah jied da em ki le ngut wa kynthup ya ka Pebika Lego (290 Rank), ka Tenzin Yangki (545 Rank) wa u Austin Tayeng (747 Rank).
Na Sikkim da em kawi wa chah jied katæ ka Deepika Agarwal kawa da yoh 151 Rank, na Meghalaya da chah jied u Sawpnil Bhattacharjya uwa da yoh ya ka 344 Rank katwa na Tripura da chah jied u Sumit Paul uwa da yoh ya ka 627 Rank.
