Ka Department of Sports & Youth Affairs ka sorkar Meghalaya da pyntip ko wa nadooh wa sdang yaka Talent Identification Program waka Elite Pathway Program (EPP) hapoh ka STAR Program deiwa ya krehlang waka Meghalaya State Olympic Association (MSOA) da em hadooh 14,500 ngut kiwa da wan wow chimbynta yow chah bichaar yei sap i phong ki ha ki kaam Sports.
Kani ka Talent Identification Program toh kawa pynemkaam dei stat Science yow pait yei sap wa i bor kiwa yalehke wei hapoh ka EPP da em 200 ngut kiwa da chah jied yow yoh sikai pynpliah lyngba ki App Based Training wa dei yachem ha ki Training Camp.
Neibynta yong kani ka bhah thymme u 2024-25, da em palat 10,000 ngut kiwa da wan chakhmat wei da em leh kiwa dang 6 snem kiwa da wan yow chah pait chah sylli ki hapoh ka Talent Identification Program wei da em palat 200 ngut kiwa da chah jied hapoh ka 2nd EPP Camp.
Kiwa pyndep yaka EPP Camp da chah jied ki wow psiah hapoh ka Super Elite Program heiwa da em 11 ngut kiwa em i sap wa ye u man kam kiwa yalehke wow chimbynta ha ki yakob ka ri wa cha baar ri kiwa dang chah pynpliah chooh chooh kattæ.
Da pyntip leh wa ka sorkar da e yarap ko da ka song poisa cha kitu kiwa yoh takma ha ki lympung yakob wa da dep pynman wei da em 297 ngut kiwa yalehke deilang wa ki Coach kiwa da yohlang waroh Rs. 68 lak.
Da e leh yaka Sports Scholarship kawa da sdang nyngkong ha uni u snem kawa daw e man-u-bnai nadooh April 2024 hadooh March 2025 kawa Rs. 6000 hadooh Rs. 8000 chi bnai iwa chong ha ka jait yalehke wa em sap ki.
Kitu kiwa kwah u yaleh ya kani ka Scholarship ye ki wow yaleh neibynta u 2025-26 wei ka tarik wa khaddooh u pdiang ya ki Application toh haka 01-03-25.
![](https://i0.wp.com/wyrta.com/wp-content/uploads/2024/03/ynhd1.jpg?resize=960%2C687&ssl=1)
Discussion about this post