U Montri ka sorkar pyrdi wa pait ya ki kaam wa yatoh wa ka aiñ (Law & Justice), u Kiren Rijiju da pyntip u wa ka sorkar pyrdi da dep rai ko wow pyndam ya kiwa boon ki aiñ kiwa da rim wei ki wym yahaap de wa ki por wa katni.
Hawa klam wa kiwa thoh khubor, u Rijiju da ong u wa ki aiñ toh u man ki kiwa pynmyntoi ya ki paidbah ym toh wow pynthut pyndik ki.
Katkam wa ong u, ki aiñ toh kiwa em yow pyntikna wa ye ki bru wow im khlem pynthut khlem pynkhia yei im ki bru.
Kamtæ waroh kitu ki aiñ ki wym emkaam kiwa da pynkrehkaam da slem bha kiwa ym yahaap de wa ki por wa katni ym emkaam de wow tipmit ya ki wei da dep wow pyndam palat 1500 tylli ki aiñ deiwa pynrap wa u Prime Minister, Narendra Modi i thrang u toh wow yei ki bru wow im deiwa suk.
