Delhi: U Cabinet Secretary u Rajiv Gauba hawa sdang kani ka tayaw da pynman yalang u ka yong ka Committee of Secretaries yow yaklam yei ku dor u piat ha waroh ka ri.
Haka Video Conference wa ki Chief Secretary yong ki 11 tylli ki jylla wa pynmih boon ya u piat, da pyntip cha u Cabinet Secretary ya kiwa boon kiwa da leh yow pynhaap yei ku i dor u piat.
Ki Chief Secretary na Maharashtra, Gujarat, Tamil Nadu, Andhra Pradesh, Karnataka, Telangana, Madhya Pradesh, Chattisgarh, Rajasthan, Uttar Pradesh wa Haryana da chimbynta ki ha kani ka Video Conference.
U Cabinet Secretary da phah u ya kini ki jylla wow pyntikna wa biang i yoh piat wa i dap piat yow pyn jai jai yei ku dor u piat. Ka sorkar pyrdi da khang ko leh wow challan piat cha baar ri ha kani ka samoi.
Da phah leh ya kini ki jylla wow booh pood yeiwa ye kiwa khayi wow pyllang pait yow lait ki u murieh yow lait na i duna u piat.
U Rajiv Gauba da ong u wa ka sorkar pyrdi da mynjur ko wow wanrah na baar ri 11000 Metric Tonnes nadooh ka 29 tarik u bnai wa da dep kiwa daw poi hadooh ka tayaw wa khaddooh uni u bnai.
Ini man i hajrong wow wanrah 6090 Metric Tonnes u piat na Egypt haka 22-11-19.
U Cabinet Secretary da phah u leh ya ki jylla wow pynemkaam yaki Food and Civil Supply Departments yow thied piat ki wei wow dai hei dor wa biang.
U Secretary Ministry of Consumer Affairs, Secretary Ministry of Agriculture and Farmers Welfare, Secretary Food & Public Distribution deilang wa kiwi ki heh sorkar India da emlang ki ha kani ka meeting.
Discussion about this post