Hadien wa pynbna ka sorkar wa daw chah noh wow chim dawai tika kiwa em 18 snem chaneiñ kiwa hap wow thap pyrtuid chwa namo Register ki Online. Palat 2.45 klur ngut kiwa kwah wow yoh ya ini i dawai yada da wan ki chakhmat wow Register ha ka Co-WIN Digital Platform (hadooh 9:30 ynne i step).
Ini leh man ko kam chibynta ka Phase-3 i e dawai tika kawa da pynbna ha ka 28 tarik uni u bnai, heiwa pyn ha kani ka sngi da em 1.37 klur ngut kiwa da Register ya idæ wei palat 1.04 klur ngut kiwa Register hadooh wa kut ka 29 tarik April 2021.
Ha iwi tawon i liang da dep wow e la 15,22,45,179 sien ya i dawai tika COVID-19 hapoh ka ri wei ini kynthup ko ya ki 93,86,904 ngut ki HCW kiwa da yoh chisien wa 61,91,118 ngut kiwa da yoh arsien. Na ki FLW da em 1,24,19,965 ngut kiwa da yoh chisien, 67,07,862 ngut kiwa da yoh arsien, kiwa em 60 snem da em 5,19,01,218 ngut kiwa da yoh chisien wa 1,04,41,359 ngut kiwa da yoh arsien, katwa kiwa em 45-60 snem da em 5,17,78,842 ngut kiwa yoh chisien wa 34,17,911 ngut kiwa yoh arsien.
Ynnin ka sngi kawa man leh ka sngi wa 104 nadooh wa sdang wow e dawai tika, da e 22,24,548 sien ya ini i dawai heiwa da em 12,74,803 ngut kiwa yoh yei sien wa nyngkong katwa 9,49,745 ngut kiwa yoh yei sien wa ar.
