Ka sorkar pyrdi wa ki sorkar jylla dang pteiñ ki wow yakhun pyrchah ya ka khlam u COVID-19 kawa da ktah ya ki ri ha ka pyrthai.
Neiliang ka sorkar pyrdi da e ko ya ki dawai wa ki tiar sumaar mynkna cha ki jylla kam chibynta wow yarap ya ki ha i yakhun ya kani ka khlam hanlada boon na kini ki tiar wa ki dawai duna bha ki ha kylleiñ ka pyrthai neidaw wa emkaam syndet ya ki heiwa da poi u pood hadooh wa ka ri haap thied ko ya kini ki tiar na kiwi ki ri.
Hadien ini neiliang ka Ministry of Health & Family Welfare (MoHFW), Ministry of Textiles and Ministry of Pharmaceuticals, Department for Promotion of Industry and Internal Trade (DPIIT), Defence Research and Development Organisation (DRDO) wa kiwi kiwi da pynchlur ya ki wow chna wei wow saam ya ki PPE, N95 Mask, Ventilator wa kiwi kiwi ha kini ki bnai wa dadep.
Heijooh i por ka sorkar pyrdi da pynchlur ko ya ka ‘Atmanirbhar Bharat’ namo wow pynbiang pyn da idæ kamjooh leh wa ka ‘Make in India’ namo wow chna pyn hapoh ka ri.
Nadooh ka 1 Naitung (April) 2020, ka sorkar pyrdi da saam mynkna ko palat 2.02 klur ki N95 Mask wei palat 1.18 klur ki PPE cha ki sorkar jylla wa ki Union Territory kamjooh leh da saam ko palat 6.12 klur ki dawai HCQ cha ki.
Heijooh i por da saam leh palat 11,300 tylli ki Ventilator wa da chna hapoh ka ri cha ki jylla wei na kini, 6154 tylli ki thaw booh Ventilator kiwa da em ha ki thaw sumaar. Ka MoHFW da saam ko leh hadooh 1.02 lak tylli ki tadong Oxygen Cylinders cha ki jylla.
