I thooh yow chem ya u Marshal Marwein da sdang poi chei dooh mynsien neidaw wym pu em chem ya oo kattu da palat ar sngi nadooh wa chah ban chah tlep u hei jhep wa jrong kat u loom ha i thaw noh jhep ka Marten nadooh i step yong ka 3 tarik wei hadooh ynne i janmiet ym pu em chem ya oo.
I thooh ya u Marshal (30 snem) da pteiñ ki kattu la 50 kynta deiwa wanlang wa ki bru ka SDRF, kiwa kreh ka Shillong Municipal Board deilang wa ki pulit ka Mawlai wei da em leh ki bru paidbah kiwa dang pteiñ wow thooh ya uni u khynroo tangwa da artatien leh wa dang im u wei lada dang im leh kammon u man i doh i pran u.
U Marshal Marwein toh uwa na ka thaaiñ Mawkyrwat, South West Khasi Hills wei da sah u ha Mawlai Mawïong, uwa ukreh leh kam uwa bood ya ki kari jhep yong ka SMB wei da pynlang u ya ki mar wa da sih da jæd wa chem ha Marten.
Ki pulit dang pteiñ ki wow thooh ya uni u khynroo hadooh ynne, wei da khana ki leh wa i jhep dang rhem bait i diñ wei i mih i tdem hadooh katni dang joor i wei ini da booh ko hei eh ya kitu kiwa thooh ya uni uwa wiar.
Discussion about this post