Kam chibynta wow bood ya ki kyndon wa da booh da ka Election Commission of India heiyatoh waka Model Code of Conduct kawa da krehkaam nadooh wa pynbna ya ki tarik pynman Election Lok Sabha 2024 wei ha ki 72 kynta da dep pynkrehkaam ya kiwa boon ki hukum wow khang u leh ya kiwa boon ki kaam wei da booh leh ya ki Flying Squad deilang wa ki Expenditure Monitoring Agency.
Da pynsñiawthooh leh ya ki chnat sorkar heiyatoh waka Model Code of Conduct wei da dep leh wow pyndam yei dur kiwa mihkhmat paidbah na waroh ki Website sorkar.
Neitæ da lai leh wow khloh, u sai wei wow pynhiar ya kiwa da pynsih ya ki thaw sorkar, ki thaw paidbah wa ki thaw yong ki bru samen ha kini ki 72 kynta kam chibynta ka Model Code of Conduct.
Ki Poster wa da khloh na ki thaw sorkar da em ki 109 tylli wa naki thaw paidbah won 248 tylli.
Ki Banner wa da pynhiar na ki thaw sorkar da em ki 228 tylli, na ki thaw paidbah won 440 tylli.
Ki Hoarding wa da pynhiar na ki thaw sorkar da em ki 43 tylli katwa na ki thaw paidbah won 58 tylli.
I looid ya kiwi de kiwa da pynsihdur kam ki Poster wa kiwi de ha ki thaw sorkar ha kini ki 24 kynta da em 323 tylli, na ki thaw paidbah won ha kini ki 48 kynta toh 599 tylli neitæ won na ki thaw ki bru samen won 253 tylli ha kini ki 72 kynta.
Kini waroh dapoi ki 2,301 tylli ki Poster, Banner Hoarding wa kiwi de.
Discussion about this post