Ka chnat Railway da pteiñ ko wow dooh nong neidaw wa ki rel ym ye ki wow lai luti wa da khang yabor yaki luti rel haka yakhih kawa da pteiñ ha Punjab. Hadooh ynne ka sngi, ki rel wa kit yaki mar wa emkaam kiwa em 2225 tylli ym ye ki wow lai luti iwa da wanrah leh yei dooh nong wa palat T. 1200 klur.
Kiwa yakhih da pteiñ ki wow pynman ya ki yakhih ha ki Railway Platform wa hajan ki Railway Track. Da hap wow pyndam yei lai ki rel deiwa pyrkhat yei bha kini kiwa yakhih yow lait u mih iwon iwon i sñiawsih neidaw wa mih syndet ki khang yaki luti na iwi i thaw cha iwi i thaw kiwa boon ha Jandiala, Nabha, Talwandi Sabo wa ha Bathinda heiwa hadooh 6 waje ynne i step da em 32 tylli ki thaw wa da khang yaki luti rel.
Da chah ktah leh i lai ki rel kit bru ha Punjab heiwa hadooh ynne ka sngi da hap pyndam 1350 tylli. Ini da ktah ko leh yaki rel wa kit mar kiwa wan wa mih na Punjab, J&K, Laddakh wa Himachal Pradesh. Da em leh kiwa da sahkut hadooh 15-20 sngi.
Kani ka yakhih toh ka yong ki warep ka thaaiñ Punjab kawa da sdang nadooh ka 24-09-2020 kiwa da sdang wow khang yaki luti rel waki Railway Station. Nadooh ka 01-10-2020 da hap wow sangeh ya waroh i lai ki rel hadien ka yakhih da poor ko cha waroh ka Punjab iwa da ktah yei krehkaam ki rel ha Firozpur Division, ha ki kattu katni ka Ambala , Delhi wa Bikaner Division. Hadien ini, deiwa booh kyndon da chah wow lai ki rel kit mar nadooh ka 22-10-2020 da kiwa yakhih. Tangwa hadien ar sngi wa chah wow lai ki da hap sangeh biang hadien wa mih ma mih ki khang luti rel ha kylleiñ ki thaw khamtam ha Amritsar, Nabha, Talwandi Sabo, Firozpur, Moga, Jandiala wa ha Bathinda.
