Kiwa yoh COVID-19 ha Assam da kynjoh ko 30 hajar ngut hadien wa em sa 1130 ngut kiwa dang yoh, da pyntip u montri i chait i khiah ka jylla u Himanta Biswa Sarma ynne ka sngi.
Da pyntip u leh wa na kini ki 1130 ngut, 417 ngut toh kiwa na Guwahati wa 104 ngut na Cachar.
Kiwa yap ynne ka sngi na u COVID-19 da em ki 6 ngut kiwa kynthup ya kiwa 75, 55, 54, 85, 60 wa 78 snem i rta.
Kiwa chait ynne da em ki 1062 ngut heiwa da man ko ka sngi wa le wa em palat 1000 ngut kiwa chait. Heiwa haka 22 tarik da em 1317 ngut, haka 23 tarik 1349 ngut kiwa chait.
Waroh kiwa yoh COVID-19 da em ki 29921 ngut heiwa kiwa chait da em ki 21761 ngut (72.27%), kiwa dang em ya uni u khñiang da em ki 8081 ngut, kiwa yap 76 ngut wa 3 ngut kiwa da mih napoh ka jylla.
