Palat 350 ngut ki khynnah ha Meghalaya kiwa imlang wa u khñiang HIV

I em hadooh 364 ngut ki khynnah ha Meghalaya kiwa em HIV da pynkhrngiat wei da pynkhuslai ko ya ka National Commission for Protection of Child Rights (NCPCR).

Neiliang u Chairman ka (NCPCR), u Priyank Kanoongo hawa wan u cha Shillong ynnin ka sngi da ong u wa sñiaw khuslai bha yeiwa em hadooh 364 ngut ki khynnah wa em HIV, wei da kyrpaad u leh ya ka chnat sorkar wa toh u pait yeini wow e yarap poisa ya ki wow lai puræ puthi kamjooh i sumaar sukhær.

Chooh chooh da chem leh wa da em kamwa 8,000 ngut kiwa em HIV hapoh ka jylla, kamtæ ka NCPCR da ong ko ya ka sorkar wow pait yeiwa emkaam wei ki laad yarap wa ye u e katkam ka aiñ.

U Kanoongo da ong u leh wa daw pynman ya ki Workshop wei ya phyllu neibynta ki le tylli ki District Council ka Meghalaya hajrong i pynsñiawthooh yei hok ki khynnah kamjooh ki aiñ wa e yada ya ki.

Da khana u leh ki kot lakdop kiwa da thoh kamjooh ki kot ki sla yow pynsñiawthooh paidbah, daw pynkylla ki chei ktien wa klam hapoh ka jylla wei daw phah leh da ki bru wa chemphang yow e sikai ya ki SHG neibynta u tip ki yei hok ki khynnah.

Related posts

Yow krum sa ka Ropeway kawa ₹151 klur hawa da em ka sarok 4-Lane yow lai cha Shillong Peak: TUR

October 25, 2026

Wa da kot u yaichah ya kiwa yahkhmat ka UDP ki wym kheiñkor ya u MLA, lai bood ki dkhot ka UDP 4-Mowkiaw ya u Nujorki cha ka NPP

October 25, 2026

U Kanoongo da khana u leh wa hei yachem u wa kiwa boon ki chnat sorkar da yoh yei yukheiñ yei em ki khynnah wa duna hei doh i pran kiwa da antaad wa em ki kamwa 4000 ngut.

Da ong u leh wa da emkaam bha u kheiñ lang waroh ki chnat yow tip tikna katwon ngut em ki khynnah kiwa em i duna hei doh i pran hapoh ka jylla yow suk wow kheiñ yei e yarap lyngba ki Scheme sorkar.