Khnang wow skem ka mynried heiyatoh wa i khih i kreh, da em hadooh 46,000 ngut kiwa da pyndep ya ka Postgraduate wa Graduate kiwa da yaleh yei kreh Sweeper yong ka sorkar Haryana.
Katkam ka yukheiñ wa da yoh da ong wa em da ki lak ngut kiwa pyndap yeini i kreh hapyrdi ka 6 tarik u Naisaphra hadooh 2 tarik u Naikhynde heiwa 46,102 ngut toh kiwa da pyndep Postgraduate wa Graduate.
Ini i yukheiñ pynyoo i yei duna i yoh khih yoh kreh ki bru khamtam ha ka jylla wa ka ri waroh kawi.
I kaamram ki Sweeper toh wow pynkhooid u lum ya ki yung krehkaam sorkar Haryana kam ha ki Department, Board, Corporations wa kiwi.
Ka tulop wow su man ko Rs. 15,000 chi bnai heiwa da mih i yukylli wa kammon du kamni i kreh wanrah u kat kini kiwa yakhun.
Da em kiwa ong wa i daw hi toh wow skem i kreh wa ka mynried kawa chngaaiñ manda yoh kreh sorkar bar i wow kreh ha ki dukan, ki yaaw wa kiwi ki thaw wa man ki yong ki bru samen.
Ya ka Advertisement neibynta ini i kreh da pynlait da ka Haryana Kaushal Rozgar Nigam Limited (HKRN), kawa man ka chnat ka sorkar hei wow thung chipor ya kiwa kreh namo Contractual.
Na kiwa pyndap da em leh wa ong wa i kreh kam ki Sweeper man iwa dei step donhi katwa kamtæ ye wow kreh deiwi tawon i kaam heipor sngi. Uwi na kiwa pyndap toh u Manish Kumar uwa da pyndep ya ka Postgraduate wei em u leh ya ka Diploma ha ka Business Studies deilang waka kurim u ka Roopa, kawa man kam kawa sikai skur.
Chooh chooh katkam ka yukheiñ wa da yoh da ong wa 39,990 ngut toh ki Graduate wei kamwa 6,112 ngut toh ki Postgraduate wei waroh kiwa da pyndep Class 12 hadooh ka 2 tarik uni u bnai man ki 1,17,144 ngut wei waroh kiwa pyndap man ki 3.95 lak ngut.
Discussion about this post