Shillong: Yaka Special Summary Revision of Photo Electoral Rolls da sdang yaka hapoh ka jylla ynne haka yalang wa pynman hapoh Conference Room, Deputy Commissioner, Shillong. Ya kani ka yalang da wan wow embynta lang da u Chief Electoral Officer, Meghalaya, u FR Kharkongor kam u kongsan waka District Election Officer, East Khasi Hills, ka M War Nongbri kam ka symbood kongsan.
U Chief Electoral Officer, Meghalaya, u Kharkongor da ong u wa ka EPIC toh ka sabut wym ye u len wa u bru man u kam uwa chong chnong wa paka ka jylla. Da khut u ya ki Political Party wow ban ki hajrong ki paidbah yei emkaam wow pynpsiah pyrtuid ki hapoh ka Electoral Roll. Chooh chooh da kyntu u ya ki Political Party wow thung yaki Booth Level Agents (BLA) yow yarap thap pyrtuid ya kiwa thap Vote wa dang thymme wei wow yarap u yaleh lada em wa kwah ki wow pynbait næ wow ujor yow pyntikna wa i hok thap Vote ym em wa dooh ki.
Da ong u wa ka Meghalaya em ko 1909686 ngut kiwa thap Vote wei da mang wow pynku ya ini cha ka 1972582 ha u 2020. Da ong u wa kiwa boon na kini ki 62896 ngut kiwa da mang toh kiwa hapyrdi 18- 19 snem i rta, deiwa ong leh wa lyngba ka Special Summary Revision, daw ye u thap pyrtuid noh ki.
Ka DEO East Khasi Hills da ong ko wa kani ka Summary Revision yaka Photo Electoral Roll toh i yaleh wow pyntikna wa kiwa chong chnong wa paka ym chah ieh ki chadien.
U CEO waka DEO East Khasi Hills da saam ki leh ya ki CD we em ka Draft Electoral Roll cha kiwa mihkhmat ki seiñ saiñ hima waphær waphær.
Discussion about this post