Jowai : Ka Dr. Norman Tunnel Hospital, Jowai kam chibynta ka Community Health Project yong ka hospital da pynman ko ynne ka sngi ha pchem ka hospital ya ka Free Health Camp heiwa da wan palat 600 ngut ki paidbah yow chim kabu ya kani ka e sumaar mynkna na kani ka hospital.
Da khut ya ki paidbah wa em moo ha u ksang (Gallbladder Stone), Appendix, ad Radang, ki kjut kynthai yow wan ki cha kani ka Free Health Camp.
Na kiwa wan da em kiwa wan kiwa ym yatoh katkam wa da pynbna tangwa ym em u kyntait ya ki wei boon toh kiwa da pait da ki Doctor ENT heiwa ya waroh da yoh dawai, wei i pait ki doctor ya ki yow tip wa kammon u lai cha khmat ya ki.
Ya kiwa emkaam u pooid daw sumaar mynkna ya ki lada em ki ya ka MHIS Card katwa ya kiwa ym em ya kani ka card u sumaar ya ki hei dor wa toh bha heiwa haap ki u thied du ya ki bai tiar wa emkaam heipor wa chah sumaar ki.
Ya kani ka Health Camp daw pteiñ ya ka mynstep ka 13 tarik.
Discussion about this post