Palat 7000 tylli ki Tablet saam ka sorkar cha ki ASHA

Ka chnat i chait i khiah hapoh ka National Health Mission ha ka 12 tarik uni u bnai da pynman yalang ko ha Pasture Institute, Shillong heiwa da saam leh ya ki kor Tablet cha ki ASHA wa ki ASHA Facilitator wa em ha waroh kawi ka jylla deiwa sakhi lang ka Montri ka chnat Health & Family Welfare, ka Dr. Ampareen Lyngdoh, u Sampath Kumar, Principal Secretary ka chnat Health & Family Welfare wa kiwi kiwi de.

Ha kani ka sngi da saam 7084 tylli ki Tablet cha ki ASHA wa 335 tylli cha ki ASHA Facilitator kiwa da emlang wa ki Application wa emkaam ki ASHA wow leh ya ki kaam yong ki.

Lyngba kini ki Tablet, ki ASHA wa ki ASHA Facilitator daw ye ki wow pynyoo ya ki kaam wa da leh ki yow ye ka sorkar u leh yeiwa emkaam.

U Sampath Kumar da ong u wa ha kani ka juk wa katni da emkaam wow pynemkaam ya ki stat Technology ki wow yarap ya ki kaam ki jaam wei ka Meghalaya man ko kawa nyngkong dooh ka jylla hapoh ka ri wow chna da ka ASHA Payment App heiwa ki ASHA ye ki wow pynyoo ya ki kaam wa da leh ki yow yoh ki ya ka nong ki man ka tayaaw.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Wei deiwa em kini ki App da duna bha i slem wow su yei nong ki ASHA wei deiwa pynemkaam da kini ki Tablet daw yarap chooh chooh ko wow phah ki ASHA ya ki Report yong ki wa kiwi de.

Neiliang ka Dr. Ampareen Lyngdoh da kynmoo ko yei por wa yachem ko wa ki ASHA heiwa da khana ki yei eh i khoo yong ki wym yoh ki yei nong heipor wa biang wei da lai yaklam ko wa ka National Health Mission heiwa ka Ministry of Health Family Welfare da mynjur ko wow thied da kini ki Tablet ya ki ASHA wa ki ASHA Facilitator.

Da kyntu ko ya ki ASHA wow syndong bha ki ya kini ki Tablet yow lait wa em wa pynekaam bakla ki yow yoh ki yei myntoi kamwa da thmu da mang.