Ka WhatsApp ha ka bui (Report) wa da pynmih ko ha kani ka 1 tarik kam chibynta ka Monthly Report wa da toh u pynmih hapoh ka IT Rules, 2021 da pyntip ko wa da pyndam ko ya 71,96,000 ngut kiwa pynemkaam ya kani ka App hapoh India neibynta u Khonchonglad (Nov), 2023 heiwa na kini da em 19,54,000 ngut kiwa chah pyndooh pyndam hi da ka WhatsApp khlem da em wa ujor pyrchah ya ki.
Ha utai u jooh hi u bnai da yoh 8,841 tylli ki ujor heiwa ka Meta kawa man ka tre ka WhatsApp da leh ko yeiwa emkaam neibynta 6 tylli. Da yoh leh 8 tylli ki ujor naka Grievance Appellate Committee (GAC) wei ya kini ujor da leh katkam ki kyndon aiñ.
Ka GAC toh kawa da thung da ka sorkar India yow e laad ya kiwa chong chnong wow ujor ki pyrchah ya kiwon kiwon ki rynsan Social Media.
Ka WhatsApp da ong ko da leh ko yeini pyrchah ya kiwon kiwon kiwa pynemkaam bakla ya kani ka App nadooh wow pynwit pyndik ya kiwi ki bru wei hadien wa yoh ujor da em ki bru wow pait ya kani ka ujor lada toh sakhiat kiwa tyngkheiñ ya ki kyndon wei kitu hi kiwa leh pyrchah da chah pyndam wei ym e laad de ya ki wow pynemkaam ya kani ka App.
Ka WhatsApp da em ko leh ki laad yada ya kiwa pynemkaam heiwa ki bru ye ki u khang ya kiwi wow phah Message wei lada em kiwa pynthut da em leh ka laad ujor.
Discussion about this post