Ki hajar ngut kiwa kyrchaan u Sniawbhlang Dhar na Ummulong da mih paidbah ki hei miet ka 30 tarik u Naikhynde ha ka yalang wa da pynman ha Ummulong hi yow pynyoo yei kyrchaan ya u Sniawbhalang Dhar ha Ummulong neibynta ka Election MLA 2023 kam u kyrtong naka 1-Nartiang Constituency.
Ha kani ka yalang palat 80% kiwa chong chnong ka Ummulong da pynyoo pynsñiaw ki yei kyrchaan ya u Sniawbhalang.
Neiliang u Sniawbhalang uwa man leh kam u Montri sorkar hawa e yei klam da pynsñiaw u yei sñiawngooh ya kiwa kyrchaan ka Congress kiwa da wan wow kyrchaan ya oo dei mon sñiawbha deiwa pynrap wa i toh u man i ki bru wa smat u maap ya kiwa choon wei wow sñiawngooh ya kiwa da lehbha ya i.
Da ong u leh wa da em i thmu wow wanrah ya nang i stat kamjooh wow pynman ya ka Ummulong kam ka Smart Village.
Ha kani ka yalang da pynskem leh ya Ummulong NPP Unit heiwa da thung ya u Brione Pohshna kam u President wa u Embok Suting kam u Secretary.
Da pynskem leh ya ka Ummulong NPP Women’s Wing deiwa thung ya ka Florida Shylla kam ka President waka Wanda Lamare kam ka Secretary.
Da pynskem leh sa ya ka NPP Ummulong Youth Wing deiwa thung ya u Banker Siangshai kam u President wa u Rikio Shylla kam u Secretary.
