Ka Meghalaya AIDS Control Society (MACS), hapoh i yahkhmat ka Dr. Mazel Ampareen Lyngdoh kam ka Montri ka chnat i chait i khiah da pynkhreh ko u pynman ya ka Integrated Health Campaign (IHC) 2025 yow pynsñiawthooh paidbah chaphang i maa kiwa boon ki kjut wei kammon wow sumaar nadooh kiwa yoh ya ki STI, HIV, Tuberculosis wa Hepatitis B&C.
Ha kani ka Campaign daw lai psiah cha ki yung ki sem ki bru yow batai chaphang kini ki jait kjut heiwa neiliang ka Montri da ong ko wa emkaam bha wow leh yeini khamtam deiwa lai cha ki chnong wa em cha kdong cha chmiang neibhah da chem wa da krehkaam bha kani hawa leh ha West Jaiñtia Hills wa Ri-Bhoi District.
Da pynchlur leh wow lai Test ya ki bru ha ki thaw sah ki wei wow em ki da ki bru pyn napoh ki chnong ki thaw wow lai pynsñiawthooh paidbah.
Katkam wa da chim yukheiñ ka India HIV Estimates 2023 (NACO & NIMS, ICMR), ha Meghalaya da antaad wa em 9,501 ngut ki bru kiwa imlang wa u khñiang HIV wei kiwa yoh thymme ya uni u khñiang da em ki kamwa 928 ngut man-u-snem.
Da chem leh wa i rukom wa khlan dooh uni u khñiang wow poor toh deiwa yathiah yadem khlem da yada.
Kamtæ neiliang ka Montri dei sñiawkhia da ong ko wa da emkaam wow tuklar smat wow booh ki laad kammon wow pynsangeh yei poor uni u khñiang HIV deilang kiwi ki khñiang STI khamtam ha kiwa kreh kam ki Sex Workers hanla da em kiwa da Register hapoh ka Manbha Foundation kiwa da chah Test dei langær, neiliang ka Dr. Ampareen da ban joor ko yeiwa emkaam u pynkhlan yeini wei wow yachem wa kitu kiwa em hei maa.
Discussion about this post