Ynne ka sngi da pynman ya ka Dorbar Mang Tangka ka JHADC, heiwa u Gresentus Susngi, MDC ka Nangbah-Mihmyntdu da kylli u katwon pynemkaam moochuni ki karkhana pynmih khyndaw-bilat ha Ri-loom Jaiñtia nadooh 1 tarik u Naitung (Apr) 2023 hadooh 31 tarik u Wisu (Mar) 2024.
Heiyatoh wa ini, u Thombor Shiwat kam u CEM da pyntip u wa da em ki 7 tylli ki karkhana pynmih khyndaw-bilat wa krehkaam katni wei ha ini i por da pynemkaam ki hadooh 1,11,36,276 Metric Ton u moochuni.
Hajrong ini, uwa yahkhmat ka Liang Pyrchah, u Andrew Shullai da kylli u wa neiwon yoh ka Council ya kani ka yukheiñ, heiwa u Thombor da khana u wa kani toh katkam ka bui chisien le bnai namo ka Quarterly Report wa e ki karkhana.
Chooh chooh u Andrew Shullai da ong u wa nachwa jooh em kiwa kreh ka Council wa da booh ha thaw psiah ki karkhana wow pait ya katwon pynemkaam moochuni ki karkhana khnang wow yoh yukheiñ thij, wei da kylli u wa lada em kam itæ i thmu wow leh biang yeini.
Neiliang u Thombor da khana u wa em hi i thmu wow booh noh da ki Monitoring Gate ha kini ki karkhana wei daw khut leh ya ki karkhana hadien wa kut kani ka dorbar.
Discussion about this post