Da em palat chi klur ngut ki bru kiwa da hær lyngba ki 1,08,210 sien wa hær ki lieñsuiñ (Flights) nadooh wa da chah biang ya ki u hær ki hapoh ka ri namo ka (Domestic Operation) nadooh ka 25 Naisan 2020, wei ya ini da pyntip da u Hardeep Singh Puri, uwa man u montri khynnah ka sorkar pyrdi wa pait ya ka chnat Civil Aviation.
U Puri da ong chooh chooh u wa ka Domestic Aviation da sdang kynjoh biang ko kam ha ki por nachwa ka khlam COVID wow kit bru deiwa ekhublei leh ya waroh kiwa da emkti heini i kaam kam i krehkaam ka Aatma Nirbhar Bharat.
Da ong u wa katkam wa man katni da em hadooh 2,40,828 ngut kiwa yoohkjat ha ki Airport ha ka chi sngi hapoh ka ri.
Hadien wa sdang ka khlam COVID-19 i pynkrehkaam ya ki Domestic Commercial Airline da sangeh i nadooh ka 25 Wisu (March) 2020 wei da sdang krehkaam biang ki hadien ar bnai, itæ ha ka 25 u Naisan 2020.
