Palat Rs. 2 klur pynlut yow pynbiang um neibynta ka Meghalaya Games 2025 chem ka HITO lyngba ka RTI

Ka Hynniewtrep Integrated Territorial Organisation (HITO) da paan RTI ko heiyatoh wa ka 6th Meghalaya Games 2025 kawa da pynman ha Jowai khamtam heiyatoh wa i pynbiang ya ka um kawa man kawi na kiwa emkaam bha yow lai bait ki kaam ki jaam.

Ka Meghalaya Games toh kawa da neh hadooh 6 sngi wei da wan wow chimbynta da kamwa 3000 ngut na kylleiñ ki District ka jylla Meghalaya ha ki yalehke waphær waphær kiwa da pynman ha kiwa boon ki thaw kam ha Kiang Nangbah Stadium, ha Wahiajer Multi Sports Complex wa kiwi de ki thaw wa em ha Jowai.

Heiyatoh wa ini, neiliang ka seiñ da pyrchang ko wow booddien yei pynbiang um cha ki thaw sah kiwa wan chimbynta deiwa booh RTI ha ka yung krehkaam u Executive Engineer PHE Electrical Division Jowai ha ka 21-04-25 heiwa da yoh yei jubab ha ka 20-05-25 heiwa da pynyoo wa da pynlut 2,71,46,370 du neibynta wow pynbiang um ha ki thaw sah.

Hei jubab ya ka RTI da chem leh wa em ki yukylli ki wym ym ye ka yung krehkaam u Executive Engineer PHE Electrical Division Jowai wow e jubab hawa kylli lada ki Contractor wan e namo Submit ki ya ki Utilisation Certificate heiwa ka jubab toh wym em, wei ini da pynlyngngoh ko ya ka seiñ boi em iyi iyi cha kylla næ i baam tooh wa chyrkhei neibhah wa dapoi da ki klur khlem da em ka Utilisation Certificate.

Related posts

Ar snem chiteiñ phah kset ya uwa yah Tanker uwa tyrrah ya ka khynnah wa dang 7 snem ha thaaiñ Umkiang hadooh wa yap

July 31, 2025

U lai bait ka Yatra cha krem Mawjymbuiñ hanla ym em e NOC ka Dorbar Chnong Mawsynram

July 31, 2025

Ha ka RTI da paan leh ya ki Cash Memo, ki Voucher yow pynyoo yei thied ya ki tiar wa pynemkaam heiyatoh wa i pynbiang um heiwa ha ka jubab da ong wym em kini wei hawa paan ya ka Completion Report næ ka Certificate wow pynyoo wa i kreh toh iwa dadep, ini leh ym em.

Iwa da pynsuba chooh chooh ya ka seiñ toh wa ka yung krehkaam u Executive Engineer PHE Electrical Division Jowai da e u du da ka Formal Work Order cha ki soo ngut ki Contractor wei ymtoh da ka Work Order wa paka wei ya kitai ki kreh da e por du hapoh 11 sngi wow pyndep.

Hajrong ini, neiliang ka seiñ daw booddien ko deiwa thoh cha ki bor wa em haneiñ wei lada ka seiñ ym yoh ko yei pynche wa ye u pynhun, daw lai choh ya ka dwar ka yung bichaar næ ka Lokayukta, pynkut ka kyrwoh na u General Secretary ka seiñbei, u Wanbun N Dkhar.