Palat Rs. 37 lak pynlait poisa ka NEC neibynta ki 6 tylli ki Seiñ Raij ka East wa West Jaiñtia Hills

Ka North Eastern Council (NEC) kawa em hapoh ka Ministry of Development of North Eastern Region da pyntip ko wa da pynlait ko Rs. 18 klur tam du ha u bnai June 2025 neibynta kiwa boon ki kaam nadooh ki kaam rep, ki thaw puræ wa ki luti syngkieñ neibynta ka Meghalaya.

Da pynlait Rs.3,21,18,750 neibynta wow chna ya ka yung wa san mala ha Iewdak Laban, Shillong yow man kam ka yaaw yow dai ya ki jhoor ki jhep, i doh, ki soh ki pe wa kiwi de ki mar.

Da pynlait Rs.1,02,89,000 neibynta wow chna ya ki thaw ki bhaw kiwa yatoh wa ki kaam uiñke suwari ha Laitlyngkot, East Khasi Hills.

Neibynta ka puræ puthi da pynlait Rs.1,24,52,000 yow yarap ya kiwa dooh wa duk kiwa lai puræ deiwa chna pynheh ya ki skur ka Ram Krishna Mission wa em ha Umploh wa Mawkynrew. Da pynlait leh Rs. 1,47,37,000 yow chna pynheh ya ki skur ka Ram Krishna Mission wa em ha Jalaphet wa Laitlyngkot. Neitæ won Rs. 1,07,64,000 neibynta ki skur ka Ram Krishna Mission wa em ha Laitlyndop wa Mylliem wa Rs. 73,04,000 neibynta ka skur ka Ram Krishna Mission hi wa em ha Mawsmai.

Related posts

Sñiawngooh ka Dorbar Chnong Mynsngat ya u Sniawbhalang Dhar

July 5, 2025

Pynkup burom ka NPYF ka NPP Nartiang ya ki 41 ngut kiwa lehbha ha ka SSLC wa HSSLC

July 5, 2025

Neibynta ki 6 tylli ki Seiñ Raij wa em ha East wa West Jaiñtia Hills da pynlait Rs. 37,90,750.

Ini waroh dapoi i Rs. 9,14,55,550.

Najrong kini waroh da pynlait leh ya ka poisa kawa Rs. 8,88,00,000 hapoh ka NESIDS (Roads) yow chna ya u sarok Pynursla-Latangriwan-Mawlynnong.

Da pyntip leh wa i pynchna ya ki skur ka Ram Krishna Mission wa em ha Mawsynram wa Shella-Bholagang ka East Khasi Hills wa kawa em ha Ranikor, South West Khasi Hills toh kiwa da pyndep i chna ha ka 24-06-25. Kini toh kiwa da pynlait poisa ha ka 22-12-20 kawa dapoi Rs. 4.2997 klur wei deiwa em kini ki skur daw ye wow pynku da 45.2% i boon ki khynnah wa ye u lai puræ ha ki Higher Secondary School ha kini ki thaw wa em cha palatsor wei da antaad wa daw yarap ko ya 523 ngut ki khynnah wa dooh wa duk u yoh ki yei thaw puræ wa miat wa bha yow pynku ya kani ka thaaiñ.

Sa kiwi kiwa dadep chna toh ka Boys’s & Girls’ Hostel Block ka Capt. Williamson Sangma Memorial College, Bagmara, South Garo Hills hei lut wa Rs. 1.6666 klur heiwa da pynlait poisa ha u June 2021 wei yei kreh da pyndep ha ka 16 tarik u June 2025.