Ynne ka sngi hadien wa mih i awri hapyrdi ki Pnar wa ki Karbi ha chnong Lapangap heiwa da em i takha i mynsoo ki paidbah na waroh arliang hadooh wa poi u pood wa ki Karbi da thang khiar ki ya ki trep wei da leh dusmon ki ya ki mar rep.
Hawa yaklam wa u warep ha kani ka thaw, u Thomas Hadem uwa da rep la 23-24 snem kattu da khana u wa em u sy’iñ u khon u wa rep ha ini i thaw wa kamwa chi Ton da chah phut lut.
Chooh chooh da ong u wa ki khon yong oo waroh dang lai puræ ki.
Da ong u wa wot u kba leh da thwat ki oo wei da thang ki leh ya ki ar tylli ki trep yong oo ynne deilang wa ki tiar yong oo.
Neiliang u Thomas da ong u wa i dooh nong nei thwat ki Karbi ya u kba, u sy’iñ-chyrmit deilang wa ar tylli ki trep u, da kynjoh i lut hadooh palat Rs. 5 lak tam.
Chooh chooh da kyrpaad u ya ka sorkar wow chimkhia yeini neibhah wa da khih u heini waroh chi kattu ki snem khlem chah pynthut.
Heijooh i por da kyrpaad u ya ka sorkar wow su ya ka bai lutsan heiyatoh wa ini.
Discussion about this post