U Montri Rangbah ka jylla, u Conrad K Sangma da pyntip u ynnin ka sngi wa palat T. 1000 klur da dep saam wa ki warep hapoh ka jylla lyngba ka FOCUS ha kini ki soo snem wa da lai.
Da ong u wa ka FOCUS toh ka kaam bhalang wa heh dooh wa da yoh myntoi 4.5 lak ngut ki warep, wei ka sorkar sñiawthooh ko yei emkaam wow e yarap chooh chooh sa T. 5000 cha kawi pa kawi ka manyung kiwa em hei rep i riang deiwa sdang sa ka FOCUS+.
Da khana u wa lyngba ka FOCUS da jan em 18,000 tylli ki seiñ ki warep namo ki Producer Groups kiwa da chna ha kylleiñ ka jylla wei dang boon i chna ya kini.
Da khana u leh wa da em 2.5 lak tylli ki manyung ki warep wa da yoh myntoi na kani ka Scheme.
U Conrad da ong u wa ki warep ka jylla da kmen bha ki ya kani kamtæ da sdang sa ka FOCUS+ heiwa hapoh kani, ka T. 5000 toh kawa lai bait cha ki Account ki bru wei kini ki T. 5000 ym toh ka e ram tangwa ka yarap poisa.
Yeini da ong u Conrad hawa sdang ya ka FOCUS+ ha Betasing, South West Garo Hills heiwa da saam ya ki Cheque wa chongdor T. 22.95 lak cha ki 40 tylli ki Producer Groups.
