Palat T. 190 klur ka poisa wa 23 kg i ksiar yoh kem na ka karkhana Odochem

Ka Ahmedabad Unit ka Directorate General ka GST Intelligence (DGGI) ha ka 22 tarik uni u bnai da sdang ko yei kynreh ha Kanpur ha ki thaw wa em ki karkhana wa pynmih ya ki baam duma ka Shikhar Pan Masala, ha ki yung krehkaam wa ki kudam ka M/s Ganpati Road Carriers, Transport Nagar, Kanpur, ki thaw sah wa ki karkhana ka M/s Odochem Industries (wa chna Scent) wa em ha Kanpur wa Kannauj.

Hadien wa ksoh ya 4 tylli ki Truck yong ka M/s Ganpati Road Carriers, kiwa kit Pan Masala wa ki jait baam duma neidaw wym em su ya ka GST, wei hadien wa kheiñ sap ya iwa em ki mar hapoh ka karkhana wa iwa da em ha ki kot ki sla da chem wa da em iwa leh thok. Wei yeini da leh deiwa kit tooh ya ki mar da ki kot ki sla wa chna thok heiwa da kem ya 200 tylli ki Invoice wa da chna thok. Heiwa kiwa chna ya u Shikhar Pan Masala wa kiwi kam kini ki jait da phla kiwa da booh poisa ki T. 3.09 klur neibynta ka dan.

Hawa lai kynreh won ha ki thaw sah ka M/s Odochem Industries wa em ha 143, Anadpuri, Kanpur ha ka 22 tarik uni u bnai da yoh kem ya ka poisa wa T. 177.45 klur kawa ym tip kawa mih neiwon. Ini toh iwa heh dooh ka poisa wa yoh kem da ki bru ka CBIC. Da kem leh ya ki kot ki sla na kani ka karkhana.

Ha ki thaw sah wa ki karkhana ka M/s Odochem Industries hi wa em won ha Kannauj iwa da pteiñ hadooh ynne wow kynreh heiwa da chem ya ka poisa wa T. 17 klur. Da yoh kem leh ya i ksiar wa khia 23 kg wa kiwi ki mar wa pynemkaam wow chna ya ki Scent wa kynthup ya palat 600 kg i Sandalwood Oil wa da murieh hei thaw booh wa em hapoh khyndaw kiwa chongdor T. 6 klur. I kynreh da pteiñ i hadooh ynne i janmiet ha Kannauj.

Related posts

Chah dung u Doctor ha Chennai; Ong ka Bei wa maya ware u khon ya ka

November 15, 2024

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Neidaw wa ini i ksiar wa yoh kem da em ki dak wa wanrah na baar ri, da khut leh ya ka Directorate of Revenue Intelligence (DRI) yow pynman ya ka takit.

Hawa takit ya u Peeyush Jain, Partner ka M/s Odochem Industries, Kannauj da phla u wa ka poisa toh kawa mih neiwa dai mar khlem da su ya ka GST. Kamtæ da kem ya oo ha ka 26 tarik uni u bnai hapoh ka kyndon Section 132 ka aiñ CGST Act wei da rah ya oo hakhmat ka yung bichaar ynne ka sngi.

I kynreh ya kini ki thaw toh iwa da pteiñ la 5 sngi yow chem yeini i leh tooh khlem da su dan.