U SP ka East Khasi Hills District da pyntip u wa hadien wa da dep pynbna paidbah wow phah looid ya waroh ki kari deilang wa ki thuk-thuk kiwa pyndait ya ki thaw mih tdem (Silencer) kiwa ood iwa da pynthut ya ka imlang sahlang.
Heiyatoh wa ini, neiliang ka Shillong Traffic Police (STP) da sdang ko wow ksoh kari wei da em 755 ngut kiwa da chah ngat kuna kawa dapoi waroh T. 7,68,900 neibynta uni donhi u bnai.
Da em leh 17 tylli ki kari kiwa da chah pynchitom katkam ka aiñ.
Neiliang ka Shillong Traffic Police (STP), da kyntu ko ya ki tre kari kiwa da pyndait da kiwa thymme ki thaw mih tdem heithaw iwa da booh nawa thied wow pyndait biang da uwa em nadooh wa thied.
Chooh chooh da pyntip wa ini i kem ya ki kari kiwa leh pyrchah daw pteiñ i neibhah man ko pyrchah ya ka aiñ MV Act wei daw pynchitom ya kiwa leh pyrchah.
Discussion about this post