Shillong: U H. Lyngdoh Sangriang, Sordar Shnong ka Mawthabah, South West Khasi Hills District, ynne ka sngi da pynsniaw u ha khmat u Chief Executive Member ka KHADC u HS Shylla, wa ki MDC kamjooh ki Executive Member, ki seiñ bhalang wa da leh bakla wow e NOC cha ka tnat Atomic Minerals Directorate (AMD) wow e laad wow li siam thlu ki wow thooh ya ki maar poh khyndaw kam ya u Uranium.
U H Lyngdoh Sangriang da ong u, “Ka AMD da wan kam ko waka toh naka sorkar India, wei ym poi pyrkhat u wa ym em e laad u wa ym em chimbor bor chwa ki na ka KHADC kamjooh ka sorkar jylla wow leh yeiwa leh ki. Wei da leh yeini da ka Executive Committee Dorbar Shnong, ym toh wa leh samen.”
Neiliang u HS Shylla da ong u wa kani ka kaam toh wow tih Uranium toh kawa da kut wei kwah u wa ka chnong Mawthabah u chong suk chong siañ noh ko.
“I ym khut hajir chooh i ya u Sordar Shnong neibhah da dep pynche u yei bakla,” ong u Shylla
Discussion about this post