Kawi ka khynnah kynthai kawa 16 snem i rta kawa da chah ksohbor pyn ha u ma ko da pynkut ko yei mynsien deiwa pasi ynne i step hapoh kawi ka kamra ka Shelter Home ka sorkar wa em ha Mawdiangdiang.
Kani ka khynnah da chah ksohbor ko ha u ma ko ynnin u snem ha u bnai Khonchonglad (Nov) wei da kem noh ya oo da ki pulit ka Mawngap Police Station heiwa da pynngat leh ya oo hapoh ka aiñ POSCO.
Yei metyap kani ka khynnah da kit cha NEIGRIHMS yow leh ya ka Post-Mortem wei hadien ini da e kti cha kiwa ha-yung yong ka.
Ki pulit dang pynman ki yei takit yow tip yei daw wa da pynkut kani ka khynnah yei mynsien yong ka hi.
Kani ka khynnah hadien wa da chah ksohbor ko, da e kti ya ka cha ka Child Welfare Committee wei hadien won da booh ya ka ha Shelter Home wa em ha Mawdiangdiang.
U Commissioner and Secretary, Social Welfare Department, u Pravin Bakshi da ong u wa daw yang hadooh wa yoh ya ka Post-Mortem Report yow chim yei rai kammon wow leh.
Neiliang ka State Commission for Protection of Child Rights leh da sdang ki da ka takit yong ki hi.
