Uwi u khynroo da pynkut u yei mynsien deiwa pasi ha kamra u ha ka sngi nyngkong kani ka tayaaw hadien wa jia i yachoh para khynroo ha thaw pynyieñ kari ka Umroi Airport.
Uni uwa khlaad da tip kam u Khrawboklang Sten (28 snem) uwa na chnong Umroi Nongrah wei kini kiwa yachoh chiliang toh kiwa na Iew Umroi katwa kawi won ka liang toh na chnong Umeit.
Ini i Video wa riñ ya kini kiwa yachoh da poor bha i ha u WhatsApp heiwa da yoo wa em boon ngut ki khynroo wa em ha kani ka thaw kiwa da yachoh yadat heiwa da chah khyrrup ki kattu katni ha kiwa boon heiwa da chah kura chah kynjat ki.
Ki pulit mar ya tip ki yeini wa jia da lai ki cha kani ka thaw tangwa kat u poi ki ym em de kini ki bru ha kani ka thaw.
Yei metyap uni uwa khlaad da chem da ka bei u heipor 4:30 i step wei da pyntip cha ki pulit kiwa da chimkti heiwa ym em chem ki dak wa mynsoo u lait na ki kha ha rdang.
Ki pulit da kwah ki wow leh ya ka Post-Mortem tangwa kiwa ha-yung ym kwah ki neibhah ym em suba ki iyi iyi heiwa u Magistrate da e bor u wow dam u leh Post-Mortem.
Discussion about this post