Ynne i step heipor kamwa 5:30 da chem wa uwi u koidi uwa na Jowai District Jail, ya uwa da tip kam u Maidaini Moila Magar, 41 snem da pasi u ha kamra wa thiah wa chah sumaar u hapoh ka Maternity and Children Hospital, Panaliar, Jowai.
Katkam ka yutip wa da yoh da ong wa uni u bru toh uwa na ka jaitbru Nepali wei uwa chong wa sah ha Nongjngi, West Jaiñtia Hills District.
Ya uni u bru da rai wow kset ya oo chi rta da ka yung kasari hadien wa chem wa tynyap u ya ka kurim yong oo wei da chah kset u hapoh ka Jowai District Jail.
Chooh chooh ka yutip wa tikna da ong wa uni u bru toh uwa da chah ktah ha u khñiang COVID-19 wei ynnin i miet da ood u wa chem chitom u wow riñ mynsien wei heipor kamwa 10:00 i miet neiliang ki bor ka District Jail da pynkit noh ki ya oo cha MCH, Jowai wow yoh u yei sumaar.
Ynne i step da chem wa da pasi uni u bru hapoh i kamra wa chah sumaar u ha kani ka thaw, neiliang ki pulit da leh ki yeiwa emkaam, hajrong ini neiliang u Wyrta daw pyntip chooh i cha phi kat dang yoh yutip chooh.
Kam wow pynkynmoo wa ini wadep da em boon kiwa yoh COVID-19 hapoh kani ka District Jail.
