Pasi uwi u pulit ka Meghalaya ha Jharkhand tangwa ym ngait ka kurim wa ka bei

Uwi u pulit ka Meghalaya uwa man kam u Constable na ka 6^th Meghalaya Police Battalion uwa tip kam u Teiborlang Marbaniang (40 snem) uwa em ha jylla Jharkhand neibynta ka Election MLA, da chem wa pasi u ya idæ hadien kawi ka Bus.

Ini toh iwa da jia nadooh ka 18-11-24 tangwa da mih pyrthai i dang ini hadien wa ka bei u da paan yarap ko na kawi ka NGO.

Heiyatoh wa ini, dadep leh wow booh FIR wa ki pulit ka Jharkhand, heiwa u Inspector MK Sangma da pyntip cha oo da ki bru wa da chem yow Teiborlang wa pasi u deiwa pynemkaam da u tylle hadien kawi ka Bus wei neiliang u Inspector leh da lai u cha ini i thaw wa jia.

U Commandant ka 6^th Battalion, u Rituraj Ravi da ong u wa ya ini wa jia dang takit da ki pulit ka Jharkhand wei dang yang wow tip iyi chem ki.

Neiliang ka bei u Teiborlang deilang ka kurim u da ngait ki wa chah pynyap u neidaw manda poi i metyap u ha ka 20-11-24, da chem ki wa em kha hei bynta i khlieh wa rdang wa pynyoo wa chah dat u.

Related posts

Nei wym hiar chuki ka Mamata, pynkut u Lat ya ka samoi krehkaam ka sorkar ka TMC ha West Bengal

May 8, 2026

Lai paan pynche kiwa kamai kari yei phah pyndait Vehicle Location Tracking Device

May 8, 2026

Chooh chooh da ong ki wa hawa yaklam Phone ki wa oo leh da ong u wa biang lut waroh i jait nadooh i thaw sah wei kamjooh i baam.

Da dawa ki leh na ka sorkar wow pynche ko yeini yow lait na iwon iwon i artatien.

Ya u Teiborlang da chem wa pasi u pyn hadien ka Bus wa kit ya ki chipai wei ka Post-Mortem Report leh toh kawa da ong wa em i kha ha u rdang wa i khlieh tangwa ym ye ki wow puræ bniah ka neidaw wa joor sih dak uwa thoh ya ka Report.