Ka KSU Kupli Area Circle hadien wa tip ko wa pat ar tylli ki chrot bordiñ ha chnong Saphai, da lai ki wow ujor dei thoh ha u W. Dkhar, Assistant Executive Engineer ka chnat MePDCL ha Shangpung Sub-Division wei ini da jia i hei step synyaw ka 11 tarik uni u bnai heipor kamwa 2:00 waje heiwa da embhah wym em jia iwon iwon wa sñiawsih.
Tangwa neidaw wa lai chuti Behdieñkhlam, neiliang ka seiñ ym yoh ko wow yachem wa u sahep tangwa da yoh wow yaklam lyngba ka Phone yow pynsñiaw yei sñiawkhia ya ini wa jia deiwa kyntu yow phah pait leh ya kiwi ki chrot bordiñ kiwa da jan pat heiwa da kular u wow chimkhia yow phah ya ki Lineman yow pynchna ya kini kiwa da pat wei yow lai pait leh ya kiwi kiwa da baam ka sarah kiwa da jan pat ha kylleiñ ki chnong kiwa haap hapoh yong ka thaaiñ Kupli.
Ka seiñ da pynkynmoo ko wa i lai yachem ya u Assistant EE hajrong ini i jooh i kaam da leh da ka seiñ kamjooh leh kiwi ki seiñ kam ka Saphai B United Sport Club nadooh ka 18-10-21 yow kyntu ya ka MePDCL yow lai pait ya ki chrot bordiñ kiwa da jan kheiñ haka chnong Saphai chwa wow jia iwa sñiawsih tangwa ym em kheiñ iyi iyi leh ya ka ujor.
