Ka 12th Secondary School Football Knock-Out Tournament kawa da pynman ha madan Pdengshakap, da pteiñ ya ka deiwa pynman ar tylli ki yalehke ka 2nd Round.
Ha ka yalehke wa nyngkong, ka Border Line FC da jop ko ya ka Syndai Combine FC da 1-0 kawa thap da u Pynkhlain Nongrum haka minit wa 39.
Ha ka yalehke wa ar won, ka Pohplet FC da jop ko ya ka Ryntihlang FC da 4-5 deiwa yachut Tie-Breaker hadien wa kut ka yalehke da 1-1. Ya ka Pohplet da yoh u thap kool da u Lucky Khyriem ha ka minit wa 7, katwa ya ka Ryntihlang FC won da yoh u thap kool da u Lifeboy Surong haka minit wa 56.
Kini ki ar liang wa jop da yoh ki wow psiah Quarter Final.
Daw pteiñ biang ya ki yalehke 2nd Round ha kani ka 7 tarik da ar tylli ki yalehke deiwa sdang da ka Amj The Boy’s waka KSU Thadmuthlong FC heipor 12:00 waje pyrdi sngi wei daw pynbood da ka Youngstar SC (Nongtalang) waka Halari FC heipor 2:00 waje.
Discussion about this post