Ka Lympung yalehke wa tip kam ka 10th Secondary School Football Tournament kawa da pynman ha Madan Pdengshakap, West Jaiñtia Hills da pteiñ yaka yalehke heiwa ynnin ka sngi da pynman ya ar tylli ki yalehke Quarter Final.
Haka yalehke wa nyngkong ka Rymbai Shkenshynriah SC da jop ko yaka Tariang FC da 7-6 deiwa yachut Tie-Breaker hadien wa kut ka yalehke da 2-2.
Ya ka Tariang FC da thap kool da u Wanlam Nongkhlaw haka minit wa 3 wa 38 katwa yaka Rymbai Shkenshynriah SC won da thap kool da u Younis Suchen haka minit wa 15 wa u Atlan Kharmaw haka minit wa 31.
Haka yalehke wa ar won ka Thrangchynnam FC da jop ko ya ka Nohron SC da 2-0 heiwa yaka Thrangchynnam FC da thap kool da u Phang Sumer haka minit wa 11 wa u Timy Ryngkhlem haka minit wa 69.
Kamtæ ka Rymbai Shkenshynriah SC waka Thrangchynnam FC da yoh ki psiah ki cha ka Semi Final.
Kattu i yalehke Quarter Final u pteiñ biang i haka 9 tarik hapyrdi ka Sengkhihlang FC waka YFC Trangblang heipor 2:00 waje i sngi.
Discussion about this post