Pdiang burom ka KNGC ya ki khynnah ba wan puræ thymme

Jowai : Ka Kiang Nangbah Government College ynnin ka sngi da pynman ki ya ka Annual Fresher’s Meet 2016, ha Kiang Nangbah Govt. Collge Auditorium kawa pyllai da ka Kiang Nangbah Govt. College Students’ Union (KNGCSU).

Ka Principal yong ka Kiang Nangbah Govt. College ka kong J. Lyngdoh da pynsñiaw ko yei sñiawkmen wow pdiang sñiawbha ya waroh ki khynroo khyllood wa dang wan puræ thymme wei yooluti ko leh wa daw leh bha ki ha ka puræ puthi yong ki.

Neiliang u kongsan u ma M. Rymbai da pytnip u wa ka sorkar da dep mynjur ko u e ya ka poisa wa T. 4 Klur neibynta wow chna ya ka “Extension Building” wei da dep pyllait ya ka bynta wa nyngkong wa T. 1 Klur daw pyllait ya ka bynta wa ar wa T. 2 Klur wei daw pynbood won sa ka wa sah wa T. 1 Klur.

Da ong chooh chooh u wa da kani ka poisa yooluti wa daw ku i puræ puthi hapoh ka ri-loom Jaiñtia.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka sngi hadien wa da kut kani ka yalang wa tbian hapoh ka Auditorium, da em won sa ka Jam Session ha pchem ka Auditorium heiwa da em ka dhab tem wa tip kam ka Colors na Shillong wa pyn chonshit ya ki students yong kani ka College.

Ha kani ka sngi leh da em u president ka NEHU Student Union u Tyrchainmitre Lipon, u president ka KSU-JHDU u Ohibait dkhar, u finance secretary ka KSU-JHDU u Nangaibormi Sutnga, Project Manager of Rural Development u Franky Joshua Lyngdoh wa kiwi kiwi de ki bru wa paw khmat yong ka ri-loom Khasi-Jaiñtia.