Kiwa yalehbol ka Meghalaya kiwa da pynpoi ya ka jylla hei sien wa nyngkong cha ka Final ka Santosh Trophy kawa da pynman ha ka 4 tarik uni u bnai hanla ym em poi ki cha ka thong jop pyrchah ya ka jylla Karnataka deiwa rem da 3-2 ha yaleh wa da pynman ha Riyadh, Saudia Arabia.
Kini ki khloor yalehke ka jylla da pynsarong ki ya kiwa chong chnong heiwa neiliang ki dkhot ka KSU da em wa lai pdiang ki nadooh na Chhatrapati Shivaji Maharaj International Airport, Mumbai.
Em leh kiwa yang nadooh na Byrnihat wei ha Shillong da pdiang ya ki ha Mawlai Petrol Pump.
Ki dkhot ka KSU da synraan lang ki da ki kari ya ka Bus wa wan kini kiwa yalehbol ka jylla deilang wa u Coach kamjooh kiwi de wa da embynta wow pynkhreh ya kiwa yalehke.
