Pdiang burom ka Nartiang VO ya u Juh Pa U Juh Nongtdu uwa da wanrah burom ya ka chnong

Ka Nartiang Village Organisation deilang waka Dong Mainroad Wahchlem da pdiang burom ki ya u Juh Pa U Juh Nongtdu ynnin ka sngi hadien wa yoh Takma Ksiar u ha ka “WAKO India National Kickboxing Championship 2024- Senior Boys & Girls”.

U Juh da wanrah burom u ya ka chnong ka thaw deiwa man u du oo na Ri-loom Jaiñtia wa yoh Takma Ksiar ha kani ka lympung Kickboxing kawa dang dep pynman ha Goa ha uni u bnai wa dep.

Related posts

Ya tyrrah le tylli ki Truck ha i jooh i thaw | Kat wym pu pynchna ya u NH-6 daw pteiñ ong kiwa chong chnong ka Rattacherra

January 9, 2026

Kular u heh spah ka India wow e palat 75% ka poisa u cha ka imlang sahlang hadien wa khlaad syndet u khon

January 9, 2026

Ha kani ka yalang pynkup burom da yoh ka ngooh ka dem na u Moonlight Ktung uwi na ki waheh yong ka dong wei da yoh leh ya ki kyntien kitbok kitrwiang na u Yooluti Law uwa man leh u Secretary ka Dong Wahchlem.

Da yoh leh ya ki kyntien kyntu kynpham wei kitbok kitrwiang na u Het Myria wa na ka Peaceful Ktung kam ka dkhot ka SHG kiwa da ong wa ini i wanrah naam u Juh man ko ka nongmuna ya ki khon ka chnong kamjooh leh ya ki khon ka Bri u Ynñiawtrep Ynñiawskum yow bood luti wei wym hoi u tieñ u sarom ki u sai ya ki sap ki phong yong ki.