Jowai : Kaam ka dak wow ya tipmit ya ki khynnah wa wan puræ thymme hapoh ka Thomas Jones Synod College ynne ka 8 tairik ki wa pyllai yong ka collge da pynman ki ya ka “Annual Fresher’s Meet” kam chibynta yow pdiang ya kiwa wan puræ thymme ha ka college.
Ya kani ka Fresher’s Meet da pyllai da ki khynnah puræ ka College heiwa da wan chim bynta ki khynnah puræ kiwa da e i rwai ki chaad wei da pynman leh ya ka ka yakop miat kynthai bha chynrang (Mr. & Miss Fresher’s 2016).
Ha kani ka yakop da wan chim bynta 14 ngut ki wa wan puræ thymme 7 ngut ki chynrang wa 7 ngut ki kynthai. Kiwa chimbynta da yaleh ki leh ya ki le bynta kawa kynthup ya ka Traditional Round, Casual Round wa ka Formal Round ka wa ka Question Round.
Hadien wa kut kini ki yakop kiwa bichaar da yoo biang ki u jied ya u Dakermiki Lhuid kaam u Mr. Fresher wa ka Graceful Jat kaam ka Ms. Fresher.
Yei naam First Runners up da yoh u Pynchngain Bhamiki Dkhar wa ka Baiahunlang Pariat. Yei kyrdan wa le 2nd Runners up da yoh u Damiki Lyngdoh wa ka Dawanroijait Shylla.
Ha kani ka yakop da pynchongchit leh da ki chaad wa boon jait na kiwa puræ kani ka College.
Discussion about this post