Ka BJP-East Jaiñtia Hills District ynne ka sngi hapoh i yahkhmat u District President, u Commanderful Sana da rai iwi don wow kyrchaan yaka kyrtong ka NDA ha kani ka Election MP, ka Dr. M. Ampareen Lyngdoh.
Ya ini da rai ha ka yalang wa pynman ha Community Hall ka Khliehriat West, East Jaiñtia Hills.
Chooh chooh da pyntip wa ini da leh toh katkam ka hukum na u Montri Rangbahdooh ka ri, u Narendra Modi ka wym ye wow lai lait neibhah ini toh neibynta i myntoi ka District, ka jylla waka ri hi waroh kawi.
Ka Party da e khublei ko leh ya waroh kiwa kyrchaan yaka seiñ nadooh ki ar Mandal, ka ST Morcha, ka Yuva Morcha, ka Mahila Morcha, ka Kisan Morcha wa ki dkhot waroh kiwa da e ya iwi i rai.
Ha kani ka yalang da pdiang leh ya ki dkhot wa thymme da u National Council Member, u David Kharsati wa u State President warim ka BJP u Shibun Lyngdoh.
Discussion about this post