Pdiang ka Cabinet wow pynku ya ka 1% ka Dearness Allowance wa ka Dearness Relief

Jowai: Ka Union Cabinet yong ka sorkar pyrdi kawa da chong ynne heiwa u Prime Minister ka ri u Narendra Modi da man u kam u chongknor da pdiang ko wow pynku da 1% ka Dearness Allowance (DA) cha kiwa kreh sorkar yong ka Central Government kamjooh ya ka Dearness Relief (DR) kiwa pensioner.

Kani u krehkaam ko nadooh ka 1 Naiynñiaw 2017.

Ya kani ka DA wa pynku pynyoo ko wa ku cha ka 1% hajrong yong ka 4% kawa da em chwa ya kawa da kheiñ na ka Basic Pay/Pension, yow pyndap yei ku dor u khoo wei ya ini da pdiang leh da ka 7th Central Pay Commission.

Hawa kheiñlang waroh ka DA wa DR daw kynjoh ko cha ka T.3068.26 klur chi snem wa T. 2045.50 klur yong ka Financial Year 2017-18 (kawa man 8 bnai nadooh u Naiynñiaw 2017 hadooh u Thohlakhmi 2018).