Shillong: Hadien wa pynmih hukum ka sorkar pyrdi, ynnin ka sngi ka dhab ki montri ka sorkar jylla namo ka State Cabinet da pdiang ko wow pynkylla ya ka Meghalaya Essential Services Maintenance Act, 1980 wow pynchiap sa ya ki kaam hapoh Airport wa tip leh kam ka Ground handling of the airports as part of essential services.
“Da pdiang i ya ka Amendment yong kani ka aiñ wow pynchiap sa ya ki kaam airport hapoh kani ka aiñ” da ong u Deputy Chief Minister ka jylla, u Roytre C Laloo hadien wa kut kani ka yalang.
Hadien wa da pynkylla ya ka Section 2 yong kani ka aiñ da ong u wa i krehkaam ha ki airport ka jylla kattu daw haap noh ki hapoh ka Essential Service yong ka Meghalaya Essential Services Maintenance Act, 1980.
Ya ini da leh deiwa bood ya ka hukum wa phah ka sorkar pyrdi cha waroh ki sorkar jylla.
U Laloo da ong u wa ka Ministry of Civil Aviation da wanrah ko yei rukom krehkaam wa kyrpang yow kyntu kynrong ya i kaam lai wei wan da ki airplane wa suk hapoh kini ki thaiñ.
Da ong u leh wa kani ka hukum krehkaam namo ka policy, da booh wow yakrehkaam lang ka sorkar pyrdi wa ka sorkar jylla.
“Ka chithi wa yoh da ka sorkar jylla na ka ministry da kyntu ya ka jylla wow pynchiap ya i kaam hapoh ki airport chirup wa ka Essential Services Act hapoh ka jylla,” da ong u Laloo.
Discussion about this post